ആയുര്വ്വേദവും ജ്യോതിഷവും പോലെയുള്ള ഭാരതീയ ശാസ്ത്രങ്ങള്ക്കൊരു ദുര്വിധിയുണ്ട്. അന്ധമായി എതിര്ക്കപ്പെടുകയും തെറ്റിദ്ധരിക്കപ്പെടുകയും ചെയ്യുക എന്നതാണത്. ഏത് വിഷയത്തിലും നിരന്തരമായ ഗവേഷണങ്ങളിലൂടെയും പരീക്ഷണങ്ങളിലൂടെയും മാത്രമേ അതിലെ തെറ്റും ശരിയും മനസിലാക്കാന് കഴിയൂ. അതിനുള്ള അവകാശം പോലും ജ്യോതിഷത്തിന് നിഷേധിക്കപ്പെടുന്നു എന്നതാണ് സത്യം.
മനുഷ്യരാശിക്ക് പ്രയോജനപ്പെടുന്ന എന്തെങ്കിലും ജ്യോതിഷത്തിലുണ്ടോ എന്നറിയണം. അതിന് ഈ വിഷയത്തില് പഠനവും ഗവേഷണവുമാവശ്യമാണ്. ഏതെങ്കിലും സര്വ്വകലാശാലയോ മറ്റോ ഇതിനെപ്പറ്റി പഠിക്കാന് ശ്രമിച്ചാല് അപ്പോ തുടങ്ങുകയായി പ്രതിഷേധങ്ങള്. എന്തിനാണീ മുന്വിധികള്? താല്പര്യമുള്ളവര് ഗവേഷണം നടത്തട്ടെ എന്നാലല്ലേ ഇതിലെ നെല്ലും പതിരും തിരിച്ചറിയൂ.
ആയിരക്കണക്കിന് വര്ഷങ്ങള്ക്ക് മുന്പ് കണ്ടെത്തിയതാണിത്തരം ശാസ്ത്രങ്ങള്. ഇന്നത്തെ സാഹചര്യത്തില് അവയില് ധാരാളം പൊരുത്തക്കേടുകള് ഉണ്ടാവാം. അവയെ തിരുത്തി കാലത്തിനനുയോജ്യമായ രീതിയില് കൊണ്ടുവരണം. എല്ലാ ശാസ്ത്രങ്ങളുടെയും തുടക്കം ഇങ്ങനെയൊക്കെത്തന്നെയായിരുന്നു. നിരന്തര പരീക്ഷണ നിരീക്ഷണങ്ങളിലൂടെയാണ് അവയൊക്കെ വളര്ന്ന് ഇന്നത്തെ നിലയിലെത്തിയത്.
ഇന്ന് ജ്യോതിഷത്തിന് വ്യക്തമായ ഒരു പഠന സമ്പ്രദായമില്ല. നൂറ്റാണ്ടുകള്ക്ക് മുന്പ് ഗുരുകുല സമ്പ്രദായ രീതിയിലായിരുന്നു ജ്യോതിഷവും ആയുര്വ്വേദവുമൊക്കെ പഠിച്ചിരുന്നത്. അഞ്ചോ ആറോ വയസില് തുടങ്ങുന്ന പഠനം പതിനഞ്ച് വര്ഷത്തോളം നീളാറുണ്ട്. അക്കാലമത്രയും ഗുരുവിനോടോപ്പം താമസിച്ച് തിയറിക്കൊപ്പം പ്രാക്ടിക്കല് എക്സ്പീരിയന്സുകൂടി നേടിയാണൊരാള് പുറത്തുവരുന്നത്. അങ്ങനെയൊരാള് നടത്തുന്ന പ്രവചങ്ങള് ഒരു പക്ഷേ സത്യമായേക്കാം.
ജ്യോതിഷം വന്ബിസിനസ് ആണിന്ന്. പതിനായിരം രൂപയോളം ദിവസവരുമാനമുണ്ടാക്കുന്ന ജ്യോതിഷരെ എനിക്ക് നേരിട്ടറിയാം. എന്നാലിവരില് ബഹുഭൂരിപക്ഷത്തിനും ജ്യോതിഷമറിയില്ല എന്നതാണ് വസ്തുത. ആരുടെയെങ്കിലും കൂടെ കുറച്ചുകാലം നിന്നോ, പുസ്തകങ്ങള് വായിച്ചോ കുറച്ച് ശ്ലോകങ്ങളും മറ്റും കാണാതെ പഠിച്ചതിനു ശേഷം ബോര്ഡ് വയ്കുകയാണിവര്. നാക്കിന്റെ ബലത്തില് കസര്ത്തു കാണിക്കുന്ന ഇത്തരമാളുകളാണ് ഈ മഹത്തായ ശാസ്ത്രത്തിന്റെ വില കളയുന്നത്.
നാമെപ്പോഴും ജ്യോതിഷിയെ മനസില് കണ്ടുകൊണ്ടാണ് ജ്യോതിഷത്തെ വിമര്ശിക്കുന്നത്. ഒരു ഡോക്ടര്ക്ക് തെറ്റുപറ്റിയാല് അത് വൈദ്യശാസ്ത്രത്തിന്റെ കുറവായി കാണാന് കഴിയില്ലല്ലോ. ജ്യോത്സ്യന്റെ കഴിവുകേടുകൊണ്ടുണ്ടാകുന്ന കുഴപ്പങ്ങള്ക്ക് ഒരിക്കലും ജ്യോതിഷശാസ്ത്രം ഉത്തരവാദിയല്ല.
പലപ്പോഴും ക്യുത്യമായ ഇന്പുട്ടുകള് കിട്ടാറില്ല എന്നതാണ് ജ്യോതിഷിയുടെ പ്രശ്നം. ഒരു ജാതകം എഴുതുന്നതിന് ജാതകന്റെ ക്യുത്യമായ ജനനസമയം, തീയതി, സ്ഥലം എന്നിവ വേണ്ടിവരും. പലപ്പോഴും ആശുപതിയില് നിന്നറിയുന്ന സമയം ശരിയായിക്കോളണമെന്നില്ല. സമയം എന്നത് സ്ഥലമനുസരിച്ച് മാറിക്കൊണ്ടിരിക്കുമെന്നതും ജ്യോത്സ്യന് ശ്രദ്ധിക്കേണ്ടതാണ്. കൊല്ക്കൊത്തയില് ജനിച്ച കുട്ടിയുടെ ജാതകമെഴുതാന് ത്രിശൂരിലെ സമയം ആസ്പദമാക്കിയ പഞ്ചാംഗം ഉപയോഗിച്ചാല് തെറ്റുണ്ടാകുമെന്നത് ഉറപ്പാണ്. അവിടെ സ്ഥലവും സമയവ്യത്യാസവും നോക്കി സ്ഫുടം കണക്കുകൂട്ടിത്തന്നെ കണ്ടുപിടിക്കണം. ഇത് നല്ല ജ്ഞാനമുള്ള ജ്യോതിഷിക്കേ കഴിയൂ.
അതുപോലെതന്നെയാണ് കല്യാണം മുടക്കിയായി ദുഷ്പേരുകേള്ക്കുന്ന ചൊവ്വാദോഷം. ഇതാരോപിക്കപ്പെടുന്ന കേസുകളില് ഭൂരിപക്ഷത്തിനും ചൊവ്വാദോഷം ഇല്ല എന്നതാണ് സത്യം. മുറിവൈദ്യന്മാരാണിവിടേയും കുഴപ്പക്കാര്. ഗ്രന്ഥങ്ങളില് കുജദോഷത്തെ വളരെ വ്യക്തമായി ഡിഫൈന് ചെയ്തിട്ടുണ്ട്. കുറേ നിയമങ്ങള് സാറ്റിസ്ഫൈ ചെയ്താലേ അതുണ്ടെന്ന് പറയാനാവൂ. എന്നാലിപ്പോഴോ ഏഴില് കുജനെ കണ്ടാലുടനെ ചൊവ്വാദോഷമെന്ന് വിളിച്ചുകൂവുകയായി.
‘ചിത്തിര പിറന്നാല് അത്തറ മുടിയും‘ എന്നതുപോലെ ചില നാളുകളേക്കുറിച്ച് പറയാറുണ്ട്. ഇത്തരം ജനറലൈസേഷനിലും വലിയ കഴമ്പൊന്നുമില്ല. ഒരു നാളുമാത്രം അടിസ്ഥാനമാക്കി ഒന്നിനേക്കുറിച്ചും പറയാന് സാധ്യമല്ല.
രാഹുകാലമെന്നതും ഇത്തരമൊരു മിഥ്യാസങ്കല്പ്പമാണ്. രാഹുകാലത്ത് യാത്ര പുറപ്പെടുന്നതിനുമാത്രമേ വിലക്കുള്ളു. വിവാഹം, കച്ചവടം തുടങ്ങിയ ശുഭകാര്യങ്ങള് ഈ സമയത്ത് നടത്തുന്നതിന് കുഴപ്പമൊന്നുമില്ല. മാത്രമല്ല കലണ്ടറില് കാണുന്നതല്ല യഥാര്ഥ രാഹുകാലം. അത്; അതാത് ദിവസത്തെ ദിനമാനമനുസരിച്ച് ഗണിച്ചെടുക്കേണ്ടതാണ്. അല്ലെങ്കില് രാഹുകാലമൊഴിവാക്കിയിറങ്ങുന്നത് ക്യുത്യം രാഹുകാലത്തായിരിക്കും.
ദൂരെയിരുന്ന് കണ്ടുസംസാരിക്കുക, ആകാശത്തുകൂടി പറന്നുനടക്കുക, ബഹിരാകാശത്ത് ചുറ്റിക്കറങ്ങുക തുടങ്ങി ഒരു കാലത്ത് ചിന്തിക്കാന് പോലും കഴിയാത്ത കാര്യങ്ങള് ഇന്ന് സാധാരണ സംഭവമാണ്. ജീനുകള് അനലൈസ് ചെയ്ത് ഭാവിയില് വരാനുള്ള രോഗങ്ങളേക്കുറിച്ചുപോലും അറിയാന് കഴിയുമെന്നായിരിക്കുന്നു. ഒരു പക്ഷേ; ഒരു നൂറുവര്ഷം കഴിഞ്ഞാല് ഭാവി മുന്കൂട്ടിക്കാണാനുള്ള കഴിവും മനുഷ്യനുണ്ടാവില്ലെന്നാരു കണ്ടു.
ജ്യോതിഷത്തെക്കുറിച്ച് എനിയ്ക്കറിയാവുന്നത് പങ്കുവയ്ക്കാനും ഈ വിഷയത്തില് താല്പര്യമുള്ളവരുമായി സംവദിക്കാനുമുള്ള ഒരു വേദിയാണ് ഈ ബ്ലോഗ്. മുന് വിധികളൊന്നുമില്ലാതെ ആര്ക്കും ഇതില് പങ്കെടുക്കാം. വിഷയത്തെ സംബന്ധിച്ചുള്ള അറിവുകളും അഭിപ്രായങ്ങളും ദയവായി ഇവിടെ രേഖപ്പെടുത്തുക.
Sunday, February 3, 2008
ജ്യോതിഷ ബ്ലോഗ് : ആമുഖം
Labels:
Astrology,
Introduction
Subscribe to:
Post Comments (Atom)
26 comments:
ജ്യോതിഷം വിഷയമാക്കിയ പുതിയ ബ്ലോഗ്. കടന്നുവരൂ ആശിര്വദിക്കൂ.
അനൂപേ, ഉമേഷ്ജിയുടെ ബ്ലോഗില് കുറേ ജ്യോതിഷ കാര്യങ്ങള് ഉണ്ട്.
ഒന്നു വായിച്ച് നോക്കിക്കോളൂ.
നല്ല പരിപാടി!
ബൂലോഗത്ത് ഇത് ആദ്യമാണെന്നു തോന്നുന്നു! (അതോ വേറെയുണ്ടോ?)
ആശംസകള്!
good subject..
I like to read and learn about Jyothisha..
continue..best wishes.
നന്ദി, ഗണിതത്തിലും ജ്യോതിഷത്തിലും പുലിയായ ഉമേഷ് ജിയുടെ ബ്ലോഗാണ് ഈ സംരഭത്തിന്റെ പ്രചോദനം.
അനൂപ്,
എന്നാ ഇനി നമുക്ക് കുറച്ച് ജ്യോതിഷം ചര്ച്ച ചെയ്യാംന്നും പറഞ്ഞ് തുടങ്ങിയാല് അതെവിടെയും എത്താതെ പോകും. ആദിയും അന്തവുമില്ലാതെ, ദൈവം പോലെ ഇങ്ങനെ കിടക്കുന്ന ഭാരതീയ ജ്യോതിഷത്തിനെപ്പറ്റി ഇങ്ങനെ എവിടെയൊക്കെ ചര്ച്ച നടന്നിട്ടുണ്ടോ അതൊക്കെ സ്ഥിരമായി രണ്ട് തരം ഉത്തരത്തില് തട്ടി തീര്ന്നുപോകാറാണ് പതിവ്. ഒന്നുകില് ഭാരതീയ ജ്യോതിഷത്തിന്റത്രേം ബല്യൊരു ശാസ്ത്രമില്ല, അല്ലെങ്കില് ഇത്രെം കളിപ്പീര് പരിപാടി വേറെയില്ലാന്നുള്ളതരം ഉത്തരം!
ജ്യോതിഷത്തിലെ ഏതെങ്കിലും ഒരു ചെറിയ ഒരു സംഗതി എടുത്ത് ചര്ച്ച ചെയ്യുന്നതാണ് നല്ലത്!(വായിക്കുന്ന എന്നേപ്പോലുള്ളവരുടെ വായില്കൊള്ളാവുന്നതരം!)
:)
ഇങ്ങനെ ഒരാളിനു വേണ്ടി കാത്തിരിക്കുകയായിരുന്നു. ഇതുപോലെ ഒരാള് വന്നെങ്കിലേ കാര്യങ്ങള് ശരിയാവൂ എന്നു വക്കാരി ഇവിടെ പറഞ്ഞിരുന്നു.
ജ്യോതിഷം എനിക്കും വളരെ താത്പര്യമുള്ള വിഷയമാണു്. പക്ഷേ കൂടുതല് പഠിക്കും തോറും അതു തെറ്റാണെന്നുള്ള ബോധം കൂടിക്കൂടി വരുന്നു. ഈ വിഷയത്തെപ്പറ്റി ഞാന് എഴുതിയിട്ടുള്ള ലേഖനങ്ങള്:
പുഴ.കോമിലെ മകരസംക്രമഫലം - ഒരു വിശകലനം
ജ്യോതിഷവും ശാസ്ത്രവും : ജ്യോത്സ്യന്മാര് ചെയ്യുന്നതെന്തു്?
ജ്യോതിഷത്തെ സംബന്ധിച്ചുള്ള കണക്കുകൂട്ടലുകള് കൃത്യമായി ചെയ്യാനുള്ള കമ്പ്യൂട്ടര് പ്രോഗ്രാമുകള് ഞാന് എഴുതിയിട്ടുണ്ടു്. അവ ഉപയോഗിച്ചു് ഉണ്ടാക്കിയ പഞ്ചാംഗങ്ങളെപ്പറ്റി ഇവിടെ വായിക്കാം. അനൂപിന്റെ ഗവേഷണത്തിനായി ഏതെങ്കിലും സ്ഥലം/സമയം എന്നിവയ്ക്കുള്ള ഗ്രഹനില തുടങ്ങിയവ കണ്ടുപിടിക്കനമെങ്കില് അറിയിക്കുക. കൃത്യമായി കണ്ടുപിടിച്ചുതരാം.
ദയവായി ജ്യോത്സ്യനു് അറിയില്ലായിരുന്നു, സമയം തെറ്റായിരുന്നു എന്നുള്ള ഒഴിവുകഴിവുകള് പറയാതെ ശരിയാണെന്നു താങ്കള്ക്കു തോന്നുന്ന തിയറി പറയുക. നമുക്കു തര്ക്കിക്കാം.
അനൂപ് എന്റെ ബ്ലോഗ് വായിക്കാറില്ല എന്നു വിചാരത്തില് നിന്നാണു കഴിഞ്ഞ കമന്റിട്ടതു്. ഇപ്പോഴാണു കമന്റുകള് വായിച്ചതു്.
അപ്പോള്പ്പിന്നെ പറഞ്ഞതു പോലെ... :)
എല്ലാ ഭാവുകങ്ങളും
പുലി യുദ്ധത്തിനിടയ്ക്ക് പുല്ച്ചാടിയ്ക്കെന്തുകാര്യം? എങ്കിലും നമ്മളീ ചുറ്റുവട്ടത്തൊക്കെയുണ്ടേ,തുടങ്ങുക
താമസംവിനാ.... ഭാവുകങ്ങള്.
എല്ലാ നന്മകളും നേരുന്നു.
നന്മകള് നേരുന്നൂ.
“കൊല്ക്കൊത്തയില് ജനിച്ച കുട്ടിയുടെ ജാതകമെഴുതാന് ത്രിശൂരിലെ സമയം ആസ്പദമാക്കിയ പഞ്ചാംഗം ഉപയോഗിച്ചാല് തെറ്റുണ്ടാകുമെന്നത് ഉറപ്പാണ്. “
ഇതൊന്ന് വിശദീകരിക്കാമോ?
ജ്യോതിഷം എഴുതുന്നതു കൊള്ളാം. പക്ഷെ ഗവേഷണം, പരീക്ഷണം എന്നൊക്കെ പറഞ്ഞ് അവസാനം ജ്യോതിഷവും ശാസ്ത്രമാണെന്നു പറഞ്ഞേക്കരുത്..:)
ഉമേഷ് പറഞ്ഞു. കൂടുതല് പഠിക്കും തോറും അതു തെറ്റാണെന്ന് തോന്നുന്നുവെന്ന്. അതു പോലെ ഒരു യുക്തിയോടെ സമീപിച്ചാല് നന്നായിരിക്കും.
നല്ല സംരംഭം തന്നെ. ഭാവുകങ്ങള്.
:)
ജ്യോതിഷം ശരിക്കും പരീക്ഷിക്കാനുള്ള ഒരു വേദിയാക്കികൂടേ താങ്കളുടേയും ഉമേഷ്ജിയുടെയും ബ്ലോഗുകള് ? ഉദാഹരണത്തിന് ഒരേ തീയതിയില് ജനിച്ച 2 പേരെ കണ്ടുപിടിക്കുക. രണ്ടുപേരുടെയും (എങ്ങിനെ എന്നു ചോദിക്കരുത്) അനുഭവങ്ങള് ഒത്തു നോക്കുക. ഇതു സാധ്യമാണെങ്കില്... ഒന്നു നോക്കിക്കൂടേ ? കുറേക്കാലമായി എന്റെ മനസ്സിലുള്ള ആശയമാണ്. ഇതിന് എന്തെങ്കിലും വഴിയുണ്ടോ ഉമേഷ്ജി/അനൂപ് ?
good subject..
I like to read and learn about Jyothisha..
continue..best wishes.
അരവിന്ദ്, കലേഷ്ജി, അനോണി, സതീഷ്, അങ്കിള്, ഉമേഷ്ജി, പോങ്ങുമ്മൂടന്, കാവലാന്, കൊച്ചൂമുതലാളി,മിന്നാമിനുങ്ങുകള്, കുതിരവട്ടന്, റോബി,ശ്രീ,വിനോജ്, കടവന് എന്നിവര്ക്ക് നന്ദി.
കുതിരവട്ടന്, താങ്കളുടെ ചോദ്യത്തിനുത്തരം അതുമായി ബന്ധപ്പെട്ട ലേഖനത്തില് വിശദീകരിക്കാം.
റോബി, ഞാനൊരു ജോത്സ്യനല്ല. എന്നെ സംബന്ധിച്ചിടത്തോളം ജ്യോതിഷത്തില് അക്കാഡമിക്ക് ഇന്ററസ്റ്റ് മാത്രമാണുള്ളത്. അതുകൊണ്ടുതന്നെ ഇത് ശരിയാണെന്നോ തെറ്റാണെന്നോ ദുര്വാശിപിടിക്കാന് ഞാനില്ല.
കൂടുതല് പഠിച്ചപ്പോ ജ്യോതിഷം പൂര്ണമായും തെറ്റാണെന്നെനിക്ക് തോന്നിയിട്ടില്ല. ഫലപ്രവചനമൊക്കെ ഏകദേശം കൃത്യമായി വരാറുണ്ട്. എന്നാല് നിര്ദ്ദേശിക്കപ്പെടുന്ന പരിഹാരകര്മ്മങ്ങളില് വലിയ കാര്യമൊന്നുമുള്ളതായിത്തോന്നിയില്ല.
അതായത് എന്തൊക്കെ പരിഹാരം ചെയ്താലും വരാനുള്ളത് വഴിയില് തങ്ങില്ലെന്ന്.
സന്തോഷം. കാത്തിരിക്കുന്നു,പുതിയ അറിവുകള്ക്കായി.
Due to various reasons, i was unable to browse these sites for some days now. Read all your posts here. Good effort.
the work of viswamithra is not considered for this 'Kalpam',(as per epics) it was actually written as one against 'jyothismathi' and Lord brahma clearly says there taht the configuration he describes suits one forthcoming 'Kalpam'only and not this.
Waiting for the rest also
നന്ദി എതിരന് കതിരവന്, ഇന്ഡ്യാഹെറിറ്റേജ്
നല്ലത്.
ഇനിയും എഴുതൂ. ജ്യോതിഷത്തെക്കുറിച്ച് കൂടുതല് അറിയാന് ആഗ്രഹമുണ്ട്.
സര്,ജ്യോതിഷത്തില് വിവാഹം,എന്നുനടക്കും?മരണം എന്ന്? എങ്ങിനെ ? എപ്പോള്? എന്ന് കണ്ടുപിടിക്കുന്ന തിനുള്ള മാര്ഗ്ഗം എങ്ങിനെയാണ്?
ഓരോ വിഷയങ്ങളും സംഭവിക്കുന്ന ദിവസം കണ്ടുപിടിക്കാന് സാധിക്കുമോ?
Mr Anup, I request you to kindly do me a favour. Please intimate me the reference of some Malayalam astrology books and name of it's publishers. I would like to get a comprehensive book to study right from the beginning. I hope you will help me. Please reply by email to : kmrn97@gmail.com. with regards, KP Kumaran, Kannur
Post a Comment