ജ്യോതിഷത്തിലെ നവഗ്രഹങ്ങളെല്ലാം ദിവസവും ഉദിക്കുകയും അസ്തമിക്കുകയും ചെയ്യുന്നുണ്ട്. ഇതിലെ സൂര്യന്, ചന്ദ്രന്, ശുക്രന് തുടങ്ങിയവയുടെ ഉദയാസ്തമനങ്ങള് നഗ്നനേത്രങ്ങള് കൊണ്ട് നമുക്ക് കാണാന് കഴിയുമല്ലോ. കൂടാതെ ഇവയുടെയൊക്കെ സ്ഥാനവും അനുനിമിഷം മാറിക്കൊണ്ടിരിക്കുന്നു.
ഒരു നിശ്ചിത സമയത്ത് ഈ ഗ്രഹങ്ങളുടെ സ്ഥാനം എവിടെയാണെന്നതിനെ അടിസ്ഥാനമാക്കിയാണ് ജ്യോതിഷത്തില് ഫലപ്രവചനം നടത്തുന്നത്. ഈ സ്ഥാനങ്ങളാണ് രാശിചക്രത്തില് രേഖപ്പെടുത്തുന്നത്. ഇങ്ങനെ ഗ്രഹങ്ങളുടെ തത്സമയത്തെ സ്ഥാനം രേഖപ്പെടുത്തുന്നതുകൊണ്ടാണ് രാശിചക്രത്തിനെ ഗ്രഹനിലയെന്ന് വിളിക്കുന്നത്.
രാശിചക്രത്തിലെ ഗ്രഹങ്ങളുടെ സ്ഥാനങ്ങള് കണ്ടുപിടിക്കാനായി സങ്കീര്ണ്ണമായ അനേകം ഗണിതക്രിയകള് ജ്യോതിഷത്തിലുണ്ട്. എങ്കിലും ദൈനംദിനാവശ്യത്തിനായി ഓരോ ദിവസത്തേയും ഗ്രഹങ്ങളുടെ ഗതി കണക്കുകൂട്ടി വച്ചിട്ടുള്ള പഞ്ചാംഗങ്ങള് ഉപയോഗിക്കാറാണ് പതിവ്.
രാശിചക്രത്തെ 12 സമഭാഗങ്ങളായി വിഭജിച്ചിട്ടുണ്ടെന്ന് പറഞ്ഞല്ലോ. ഇവയോരോന്നിനേയും 30 ഡിഗ്രി വീതമായി ഭാഗിച്ചിരിക്കുന്നു. അങ്ങനെ ആകെ 360 ഡിഗ്രിയാണ് രാശിചക്രം. ഈ 12 രാശികളില്ത്തന്നെയാണ് നക്ഷത്രങ്ങളും സ്ഥിതിചെയ്യുന്നത്. ഗ്രഹങ്ങള് ഈ 12 രാശികളിലൂടെയും സഞ്ചരിച്ച് ഒരു ഭ്രമണം പൂര്ത്തിയാക്കുന്നു.
ഒരു രാശിയിലൂടെ ഗ്രഹങ്ങള് സഞ്ചരിക്കുന്ന ഏകദേശസമയം.
സൂര്യന് - 1 മാസം
ചന്ദ്രന് - 2 1/4 ദിവസം
കുജന് - 49 ദിവസം
ബുധന് - 1 മാസം
ശുക്രന് - 1 മാസം
വ്യാഴം - 361 ദിവസം
ശനി - 2 വര്ഷം 5 1/2 മാസം
രാഹു - 1 വര്ഷം 6 മാസം
കേതു - 1 വര്ഷം 6 മാസം
ഇംഗ്ലീഷ് മാസങ്ങളാണല്ലോ നമുക്കൊക്കെ സുപരിചിതം. കേരളീയ ജ്യോതിഷത്തില് മാസം എന്നാല് ചിങ്ങം, കന്നി, തുലാം, വൃഛികം, ധനു, മകരം, കുംഭം, മീനം, മേടം, ഇടവം, കര്ക്കിടകം എന്നീ മലയാള മാസങ്ങളെയാണ് സൂചിപ്പിക്കുന്നത്.
സൂര്യന് ഏത് രാശിയിലൂടെ സഞ്ചരിക്കുന്നുവോ അതിനെ അതാത് മാസമെന്ന് പറയുന്നു. സൂര്യന് ചിങ്ങം രാശിയിലൂടെ സഞ്ചരിച്ചാല് അത് ചിങ്ങമാസം. കന്നിയിലൂടെ സഞ്ചരിച്ചാല് അത് കന്നിമാസം. സൂര്യന് ഒരു രാശിയില് നിന്ന് അടുത്ത രാശിയിലേക്ക് കടക്കുന്ന സമയമാണ് സംക്രമം.
365 1/4 ദിവസം കൊണ്ട് സൂര്യന് രാശിചക്രത്തെ ഒരു തവണ വലം വയ്ക്കും. ഏകദേശം 30 ദിവസമാണ് ഒരു രാശിയില് സൂര്യനുള്ളത്. ചില മാസങ്ങളില് അത് 29 മുതല് 32 ദിവസം വരെയായെന്നും വരാം.
രാത്രി പന്ത്രണ്ടുമണി കഴിയുന്നതോടെ ദിവസം ആരംഭിച്ച് അടുത്ത രാത്രി 12 മണിയാവുമ്പോള് അവസാനിക്കുന്നതാണ് നാം അനുവര്ത്തിച്ചുവരുന്ന രീതി. എന്നാല് ജ്യോതിഷത്തില് ഒരു ദിവസം ആരംഭിക്കുന്നത് സൂര്യോദയത്തോടെയാണ്. അടുത്ത സൂര്യോദയത്തിന് മുന്പ് അതവസാനിക്കുകയും ചെയ്യുന്നു.
സൂര്യോദയത്തിന്റെ സമയത്തെ അടിസ്ഥാനമാക്കിയാണ് ജ്യോതിഷത്തിലെ എല്ലാ ഗണിതക്രിയകളും നടത്തുന്നത്. അതിനാല് കൃത്യമായ ഉദയസമയം കണ്ടെത്തേണ്ടത് പ്രവചനങ്ങളില് കൃത്യതയുണ്ടാവാന് അത്യന്താപേക്ഷിതമാണ്. ജാതകന്റെ ജനനസ്ഥലത്തെ ഉദയസമയം അവിടുത്തെ അക്ഷാംശരേഖാംശങ്ങളുടെ സഹായത്താല് കണ്ടെത്തിയാണ് ഗ്രഹനില എഴുതേണ്ടത്.
Sunday, February 10, 2008
ഗ്രഹങ്ങളേക്കുറിച്ച് ഒരല്പ്പം കൂടി
Subscribe to:
Post Comments (Atom)
6 comments:
ഗ്രഹങ്ങളും അവയുടെ ചലനങ്ങളുമാണ് ഇവിടെപ്പറയുന്നത്.
തുടരട്ടേ... വായിയ്ക്കുന്നുണ്ട്.
:)
ഗ്രഹങ്ങള്ക്ക് രാശിചക്രത്തിലൂടെ ഒരു ഭ്രമണം പൂര്ത്തിയാക്കാന് വേണ്ട ഏകദേശസമയം.
ഇതു തന്നെയാണോ ഉദ്ദേശിച്ചതു. എങ്കില് ലേഖനത്തില് വസ്തുതാപരമായ പിഴവുകള് ഉണ്ട്. രാശിചക്രത്തിലൂടെ സൂര്യനു ഒരു കറക്കം പൂര്ത്തിയാക്കാന് 365 1/4 ദിവസം വേണം. ചന്ദ്രനു 27.3 ദിവസം രാഹുവിനും കേതുവിനും 18.6 വര്ഷം. അങ്ങനെ ഓരോ ഗ്രഹത്തിനും.ഒന്നു കൂടി പരിശോധിക്കുക.
ഷിജു എന്റെ മാനം കാത്തു.
അല്ലെങ്കില് എല്ല്ലാവരും ഈ മണ്ടത്തരം വായിച്ചേനേ.
രാശിയിലൂടെയുള്ള ഗ്രഹസഞ്ചാരകാലമാണ് ഉദ്ദേശിച്ചത്. തെറ്റ് തിരുത്തിയിട്ടുണ്ട്.
പോസ്റ്റുകള് വായിച്ച് അഭിപ്രായം പറയുന്നതിന് വളരെ നന്ദിയുണ്ട്.
ശ്രീക്കും ടാങ്ക്സ്. :)
മുകളില് പറഞ്ഞ അബദ്ധം സൂചിപ്പിക്കാന് നോക്കുമ്പോഴേയ്ക്കും പോസ്റ്റ് തന്നെ കാണാതായി. തിരുത്താന് വേണ്ടിയായിരിക്കുമെന്നും കരുതി. ആശംസകള്. തുടരുക.
Post a Comment